Rreth nesh

Historiku

Ideja e themelimit të një Rrjeti Global Shqiptarë të Biznesit, e hedhur më 2014 në Dallas (SHBA) e që në fakt ishte si ide shumë më e hershme, arriti të nxis gjithandej afaristë shqiptarë për të themeluar rrjete të bizneseve shqiptare. Dega e Rrjetit Shqiptar të Biznesit në Zvicrën Qendrore me drejtues z.Florim Useini, është themeluar në vitin 2018 si pjesë e degës së Rrjetit të Bizneseve Shqiptare në Zvicër.

Të përqëndruar në Zvicrën Qendrore, gjithnjë falë një bashkëpunimi konstruktiv, përkufizimi të qartë të ideve e qëllimeve, Rrjeti ynë pati fatin e mirë që shpejtë të bashkoj e të organizoj subjekte të shumta afariste, duke përmbyllur kështu vetëm një pjesë të zotimeve fillestare. Mbase mund të themi se edhe strategjia e organizimeve tona nëpër kantone doli të ishte mjaft produktive, sepse falë komunikimeve të vazhdueshme shumë shpejt u forcua besimi, u shtua serioziteti në punë dhe brenda një kohe relativisht të shkurtër bëri që të hapet tashmë një firmë e përbashkët e aksionerëve, që e emërtuam «Union Invest AG», president i së cilës është zoti Mehdi Avdijaj.

Duke besuar fuqishëm se bashkimi i kapitalit krijon mundësi të mëdha investimi dhe na bënë të gjithëve më të fortë, grumbulluam dhe investuam bashkë mbi një milion Fr në patundshmëri, dhe kështu krijuam selinë tonë të re dhe dëshmuam se bashkë jemi më të fortë. Ky sukses na jep kurajo që t’u bëjmë thirrje të gjitha bisnezeve të na bashkohën, për ta quar përpara projektin tonë të përbashkët. Me këtë deshëm ta paraqesim vetëm një tregim të shkurt suksesi të organizimit të afaristëve shqiptarë në Zvicrën Qendrore.

Ne besojmë fort se së bashku do të mund të festojmë shumë suksese! 

rëndësija

Pse është i rëndësishëm Rrjeti i Bizneseve?

Nëse ju jeni afaristë dhe keni një produkt/shërbim tuajin, atëherë rrjeti ka një rol jetik për rritjen dhe suksesin e biznesit tuaj, ku rrjeti i bizneseve ju jep mundësi për të njoftuar dhe për të bashkëvepruar me afaristë të tjerë. Ju keni mundësi të shkëmbeni informacione dhe përvoja në lidhje me biznesin dhe punën tuaj. Sa më shumë afaristë i bashkangjiten rrjetit mundësitë janë më të gjëra në fushëveprimin dhe më të gjërë do të jenë bashkëpuntorët tuaj. Nëpërmjet rrjetit ju jo vetëm se do ta rrisni numrin e klientëve por gjithashtu do të keni mundësi dhe ekspertizë më të madhe në zgjedhjen e problemeve për klientët tuaj.

Statuti

Shikoni drejtpërdrejt në shfletuesin

Qëllimet

Çfarë synojmë:

Organizim të mirëfillt të Rrjetit
Mundësi të barabartë për të gjithë afaristët dhe transparencë të plotë
Këmbim përvojash
Përkrahje, këshillime
Solidaritet dhe siguri
Zgjerime tregjesh dhe rritje të numrit të klientëve

Kryesia

e rrjetit të bizneseve Shqiptare për Zvicrën Qëndrore

Pas emërimeve të rregullta dhe intensive që ka emëruar Kryetari Florim Useini në grupin punues, sotë grupi punues apo kryesia e rrjetit për Zvicrën Qëndrore mban takimin e parë në Luzern.

Në orën 9 të mëngjesit u mbajt takimi i parë, ku në takim morrën pjesë të gjithë antarët e kryesisë, u takuan dhe u njohën në mes veti. Pas njohjes së lirë në mes, Kryetari Florim Useini falenderoj afaristët për gatishmërinë e aktivitetit dhe kohën që gjetën të jenë pjesë e këtij takimi, më pas kryetari e dha fjalën përshëndetëse nënkryetarit njëkohësisht Kryetar i Unionint Mehdi Avdijaj, dhe me radhë afaristët bëjnë një prezantim të shkurtër që të zgjërojnë njohuritë në mes vete.

Pa humbur kohë Florim Useini vazhdoi me prezantimin e tij nëpërmjet projektorit që shpalosi afaristët e emëruar, aktivitetin e kryesisë në përgjithësi, rolin kryesor brenda kryesisë, formën e bashkëpunimit njëri me tjetrin sektor, që të shpërndahet puna dhe të letësohet procesi në reduktim të kohës, dhe njëkohësisht pjesa e projekteve në të cilin sektroi i takon, që të jenë në lëvizje paralele.

Pas shpalosjes fjala ishte për anëtarët e kryesisë që të japin mendimin rreth këtij koncepti dhe për secilin idetë të reja, që mund ti shtojmë dhe ato tjerat ti kompletojmë. Pas mendimit të secilit dhe tash më njohjen më mirë të konceptit në përgjithësi mbetet që brenda kohës secili të dorëzoi kohën konkrete dhe tematikën tek kryetari dhe ashtu do të mundet shumë shpejt të pregaditet programi vjetor i aktiviteteve të rrjetit.
Kryesia si pikë të radhës vendosi që në Täschmattstrasse 5, 6015 Luzern të vëndosë adresën e saj me një hapësirë apo zyrë që do të jetë në shërbim të rrjetit dhe poashtu e Union Invest AG.

Florim Useini

Kryetar

Visar Robelli

Nënkryetar

Mehdi Avdijaj

Nënkreytar (President Union Invest)

Shaqir Alushaj

Arkatar

Ilir Krasniqi

Antar i kryesis

Strategjitë

për funksionimin efektiv të Rrjetit të Bizneseve

Njohje me afaristë dhe profesionistë nga fushëveprimtaria juaj por edhe nga veprimtari të tjera që do mund të jenë në domenin e interesimeve tuaja.
Rrjeti si organizim vëzhgon me kujdesë fushëveprimtarinë tuaj, dhe synon ta bëjë atë shembull për të tjerët.
Mundësi përfitimi përmes këshillimeve profesionale nga eskpertët e fushave të caktuara si p.sh IT, financa, auditim, marketing, shërbime ligjore etj.
Mundësi njohje dhe bashkëpunimi me afaristë, të cilët mund të ju ndihmojnë në zhvillimin dhe rritjen e biznesit tuaj.
Përmes rrjetit të bizneseve ju do të mund të krijoni kontake me afaristë të suksesshëm, si dhe te keni shansin e krijimit të partneritetit me ta.
Të këshilloheni për çështje të caktuara të aspektit zhvillimor etj.
Rrjeti ndihmon edhe në zhvillimin e komunikimit të brendshëm, por ndihmon edhe afaristë të cilët mund të kenë nevojë për përkrahjen e rrjetit.

Përparësitë

e anëtarësimit në Rrjet

Realizimi i qëllimeve tona të përbashketa, do të jetë një përparësi e madhe, me mundësi të shumta. Një "Rrjet" i fuqishëm dhe i organizuar mirë nënkupton:

Rritje dhe suksese të reja për biznesin tuaj,
Njohje dhe këmbim përvojash me afaristë të tjerë brenda Rrjetit,
Mundësi zgjerimi tregjesh,
Ekspertizë më të madhe në zgjedhjen e problemeve për klientët tuaj,
Funksionalitet, përkrahje, solidaritet dhe para së gjithash siguri,
Duke qenë anëtarë i Rrjetit jeni në kontakt të vazhdueshëm me afaristë shqiptarë, udhëheqës të kompanive të ndryshme,
Informoheni rregullisht për projektet e ndryshme ekonomike, brenda Rrjetit, por edhe në gjithë Zvicrën, veçanërisht në Zvicrën Qendrore,
Informoheni dhe ju mundësohet pjesëmarrja në konferenca ekonomike,
Përfitoni nga simpoziumet sistematike që organizon Rrjeti për sferën e menaxhimit të bizneseve,
Bëhëni pjesë e udhëtimeve tona grupore që kanë karakter ekonomik, dhe që krijojnë mundësi te mirë bashkëpunimi me kompani tjera, si dhe mundësi investimesh dhe zhvillim të ndërmarrjës suaj,
Investime të përbashkëta,
Për afaristët e rinjë ofrojme këshillime lehtësuese që u shërbejnë për zhvillim të suksesshëm e të sigurtë,
Afaristët e rinjë mund edhe të përfitojnë nga investorë potencial,
Ndërmarrja juaj vazhdimisht reklamohet në webfaqen e Rrjetit dhe në rrjetet sociale të saj
Merrni pjesë në aktivitetet e lira sportive dhe relaksuese,
Mundësi e mirë për të ndihmuar, financuar dhe sponzorizuar organizatat e ndryshme kulturore/sportive në mënyrë grupore, përmes Rrjetit.

Prandaj ju bëjmë thirrje që t’i bashkoheni Rrjetit, sepse
me Rrjetin përfitojmë të gjithë!