Fillimisht duam të potencojmë se themelimi i Rrjetit të Bizneseve Shqiptare në Zvicrën Qëndrore, nuk ishte një punë e lehtë, por falë përkushtimit të madh të të gjithë aktivistëve ne arritëm të ndërtojmë një strukturë organizative të shëndosh, me një buxhet të konsoliduar, me një shoqëri aksionare brenda (Union Invest AG) me 20 aksionar, me një patundëshmëri të saj në rritje, me një agjendë të ngjeshur aktivitetesh, me një bashkëpunim të mirë mes antarëve, me një pagesë anëtarësia vjetore të rregulltë(500.-), duke dëshmuar kështu se në një klimë mirëbesimi është e mundshme të bëhen bashkë edhe më shumë se dy shqiptarë. Do theksuar gjithashtu se Rrjeti i Bizneseve Shqiptare në Zvicrën Qëndrore, u themelua në kohën kur Rrjeti në nivel të Zvicrës ishte në një fazë pasiviteti të thellë. Megjithate duke qenë se kishte një strukturë, kryetar e kryetar nderi, nuk ngurruam të vënim kontaktet e para që pas konsolidimit dhe zgjedhjes së kryesisë.

Pra ne takuam zyrtarisht kryetarin e Rrjetit për Zvicër z.Qamil Isufin si dhe kryetarin e nderit z.Fehmi Fetahun.
Në takimin e parë me z.Fetahu pos tjerash i kërkuam zyrtarisht që të na vizitonte dhe të na mbështeste edhe me këshilla e sygjerime. Por z. Fetahu ftesës sonë për t’na vizituar nuk ju përgjigjë kurrë dhe nuk e pa të udhës të bëhej pjesë e jona. Po kështu nuk mori pjesë në as një përurim dhe aktivitet tonin. Ndërsa që z.Qamil Isufi që nga dita e parë paguante antarësinë, u bë aksionar i rrjetit dhe merrte pjesë në takimet zyrtare të rrjetit.

Do theksuar se, që në fillim kemi vërejtur probleme serioze në Kryesinë e Rrjetit për Zvicër, por duke qenë një nëndegë e përgjegjshme e vullnetmirë jemi përpjekur vazhdimisht të kontribonim në afrimin dhe forcimin e Kryesisë së degës, të vetdishëm se kështu i shërbejmë bashkimit të të gjithë faktorve relevantë, e konkretisht tejkalimit të mospajtimeve në mes të z.Fehmi Fetahut dhe z.Qamil Isufi.

Secili fajsonte njëri-tjetrin për pasivitetin e Rrjetit, dhe të dy pajtoheshin që të takoheshim bashkarisht, por disi këto takime dështonin kur për arsyet e njërit e kur të tjetrit. Takimi i fundit ka qenë i paraparë të mbahej më 14 Mars 2022, por edhe ky është anuluar këtë herë nga z. Fehmi Fetahu, me arsyetimin se nuk mund të pranoj të ulet kurrë më në një tavolinë me z. Qamil Isufin.

E kemi të vështirë ta kuptojmë të vërtetën;
Z.Qamil Isufi thoshte të i ketë kaluar mandati si kryetar, por përpiçej të themeloj në 3-4 kantone nga një degë të rrjetit me strukturë të njejtë organizative si kjo e jona, në mënyrë që ato më pas të mund të zgjedhin një kryesi të rrjetit për Zvicër, por për shkak të pandemisë, shumë takime janë shtyer dhe kështu është bërë i pamundur konsolidimi i degëve dhe rrjedhimisht edhe i Kryesisë për Zvicër.

Z.Fehmi Fetahu deklaronte se si kryetar nderi e kishte për obligim edhe moral të themeloj kryesinë e Rrjetit në Zvicër, këtë qoftë edhe me 10 veta dhe shprehej që është plotësisht kundër themelimit të nëndegëve në kantone të ndryshme, me arsyetimin se kjo e pengon dhe e dobëson „qendrën“
Ndërsa sipas këti rregullimi, shtrohet pyetja ku mbetet, Rrjeti i Bisneseve Shqiptare në Zvicrën Qendrore.

Tani më poshtë edhe një kronologji e zhvillimeve të fundit:

Më 02 Mars 2022 z. Qamil Isufi na ftoj në një takim ku na informoj që dega e Cyrihut është në themelim e sipër, është me anëtarësi të rregullt dhe se s‘shpejti parashihej mbajtja e kuvendit, ndërsa që në degët tjera, si Argau, Bern dhe Gjenevë janë në proces të themelimit, ai gjithashtu na informoi se kanë pas një takim me z.Fehmi Fetahun, i cili pas shumë diskutimeve z.Qamil Isufi i ka potencuar qartë Fehmi Fetahut se nuk do zgjedh kryesi jo legjitime pa përfshirë nëndegët nga kantonet, pikërisht ashtu siç edhe e kërkonte rregullorja.
Më 04 Mars 2022 Fehmi Fetahu kërkoi nga Presidenti i Union Invest AG Mehdi Avdijaj, njëkohësisht nënkryetar i Rrjetit të Bizneseve Shqiptare në Zvicrën Qëndrore , përkrahjen për formimin e kryesisë dhe për të dërguar përfaqësues në kryesin e re. Kërkesën e z. Fetahu Kryesia e Rrjetit të Bizneseve Shqiptare në Zvicrën Qëndrore e analizoj në një mbledhje të saj të veçantë po më 04 mars, duke hedhur poshtë këtë kërkesë të z.Fetahu, por si kompromisë, Kryesia vendosi që z. Fetahu ti paraqesë dy propozime për të dalë nga kjo situatë.

Më 05 Mars 2022, në ora 9:00 në Kriens të Luzernit, në restaurant Obernau, zhvilluam takimin e radhës me z.Fehmi Fetahun, i cili ishte në pritje të përgjigjes sonë.

Kryetari Florim Useini i dorzoi me shkrim dy propozimet tona:

1. Rrjeti i Bizneseve Shqiptare në Zvicrën Qëndrore si e vetmja degë funksionale dhe tërsisht neutrale në konstelacionin e zhvillimeve në Kryesinë Qëndrore të Zvicrës t’i lejohet të marrë përsipër rolin e një këshilli inicues për të organizuar një Kuvend, në përputhje me statutin dhe aktet e tjera normative, me qëllim të shmangjes së përçarjeve dhe mospajtimeve në mes të z.Fehmi Fetahu dhe z. Qamil Isufi.

2. Propozimi i dytë, gjithënjë nëse nuk pranohet i pari ishte që: Meqë z.Fetahu ishte kundër formimit të degëve në kantone të tjera, Ne, si dega e vetme aktive në Zvicër, kërkuam që të shëndërrohemi në Kryesi Qëndrore për Zvicër, me mundësinë e mbajtjes së një Kuvendi zgjedhor me të gjitha degët e tjera që tani janë në formim e sipër.

Dy propozimet tona u hodhën kategorikisht poshtë nga z.Fehmi Fetahu, i cili na bëri me dije se kryesia e re, me ju ose pa ju është tani më punë e kryer.

Më 5 Mars 2022 përmes një raporti në Albinfo u informuam se: Kryetari i Nderit i Rrjetit të Bizneseve Shqiptare në Zvicër, çuditërisht jashtë çdo norme demokratike e parimore paska zgjedhur një kryesi marionetë. Me këtë akt ai shkeli mbi parimet demokratike të zgjedhjes së kryesisë dhe për më keq në këtë lojë futi edhe Ambasadorin e Kosovës z.Sami Ukelli dhe atë të Maqedonisë së Veriut z.Kenan Ramadani.
Po kështu lexuam edhe reagimin e z. Qamil Isufi, i cili kundështon këtë formë të zgjedhjes së kryesisë së re.
Rrjeti i Bizneseve Shqiptare në Zvicrën Qëndrore, gjykon se këto zgjedhje ishin në kundershtim me statutin e rrjetit dhe si të tillë, kryesinë e re e gjykojmë si jo legjitime.
Është për keqardhje që në këtë maskaradë ishin të përfshirë edhe dy Ambasadorët tanë, ai i Kosovës z.Sami Ukelli dhe i Maqedonisë Veriore z.Kenan Ramadani, të cilët i njohin shumë mirë rrjedhat në rrjet. Bekimi dhe përkrahja e tyre në të tilla nisma s’mund të lexohet ndryshe pos tendenzioze, që si e tillë thellon përçarjet tek afaristët dhe krijon tendojse të mëtejshme të bashkimit të resurseve tona afariste në Zvicër.

Prandaj:

Rrjeti i Bizneseve Shqiptare në Zvicrën Qëndrore dhe shoqëria e saj aksionare Union Invest AG, nga 7 Marsi 2022, me qëllim të shmangies në përfshirje të përçarjeve meskine shkëput çdo lidhje që ka me Rrjetin e Bizneseve Shqiptare në Zvicër, aktivitetin e vet afarist do t’a vazhdoj si subjekt i pavarur. 

Kërkojm mirkuptim tek afaristët dhe i lusim të jenë të kujdesshëm!

Nga zemra ju dëshirojmë shumë shëndet!

Kriens, 7 Mars 2022

Kjo shkres do të u dërgohet: 
1. Kryetarit të rrjetit Qamil Isufi
2. Kryetarit të Nderit Fehmi Fetahut 
3. Kryetarit të Nderit për Globin Lazim Destanit
4. Kryetarit të rrjetit Nazar Mehemti
5. Drejtorit ekzekutiv Naim Dedushaj
6. Ambasadorit të Kosovës Sami Ukelli
7. Ambasadorit të Maqedonis Kenan Ramadani
8. Ministra e Diasporës Liza Gashi
9. Zyrës së Presidentes së Kosovës znj. Vjosa Osmani 

Rrjeti i Bizneseve Shqiptare në Zvicrën Qëndrore faleminderon shoqatën e Krijuesve Shqiptar në Zvicër për aktivitetin e tyre dhe mundësin e hapsirës për të kontribuar në revistën Hiada, që ndihemi të nderuar në veçanti në fushën e krijimit letrar, ku njëkohësisht shfrytzojm rastin të ju urojm sëpari shëndet dhe shumë suksese autorve që ishin pjesë e konkursit dhe krijimit letrar në përgjithësi.
Në veçanti faleminderojm shoqatën për hapsirën dhe informimin e aktivitetit të rrjetit në revistën Hiada, që kemi për qëllim të bashkojmë afaristët shqiptar dhe të bashkëpunojnë ndërmjet veti.
Me respekt të veçant
Kryesia e rrjetit

Ishte njëkohësisht kënaqësi që ishim edhe ne pjesë e ftesës së këtij takimi si Rrjeti i Bizneseve në Zvicrën Qëndrore dhe Shoqëri aksionare Union Invest AG, që ndoqëm nga afër bisedat dhe frymën e re për hapjen e dyerve të bashkëpunimit me diasporën për ndërtimin e një vendlindje sa më të mirë.Falemenderojmë

Rrjeti i Bizneseve Shqiptare në Zvicër (RRBSHZ) është krijuar në vitin 2013 dhe njihet si rrjeti i parë i afaristëve shqiptarë në gjithë botën. Kryetar i këtij Rrjeti në Zvicër është z. Qamil Isufi. Ka një vit që RRBSHZ ka filluar një riorganizim mbi baza kantonale, duke filluar me themelimin e Degës së parë të këtij Rrjeti në kantonin e Luzern-it, i cili më 21 shtator 2019 promovoi njëkohësisht edhe shoqërinë e parë aksionare shqiptare në Zvicër, “Union Invest AG”, me kryetar Mehdi Avdijaj, përmes së cilës 20 afaristë shqiptarë dhe biznese shqiptare në kantonin e Luzern-it bashkuan kapitalin e tyre fillestar në shumë prej 800’000 CHF.Pa kaluar një vit i veprimit aktiv të kësaj dege të Rrjetit, shoqëria aksionare shqiptare rriti kapitalin e saj qarkullues në «Union Invest AG» në mbi 3 milion CHF, duke realizuar edhe investimin e parë në pronë të paluajtshme. Në këtë objekt do të vendoset edhe selia e RRBSHZ Dega në Luzern si dhe e «Union Invest AG».Nga fundshkurti i këtij viti kryetar i RRBSHZ Dega në Luzern është zgjedhur z. Florim Useini dhe nënryetar i saj sipas statusit Presidenti i “Union Invest AG”, Mehdi Avdijaj.

https://www.facebook.com/watch/?v=375790623527543

Në lokalitetin Kriens të kantonit të Lucernit, përmes një tubimi të përbashkët solemn të Degës së Zvicrës Qendrore të Rrjetit të Bizneseve Shqiptare në Zvicër dhe të Unionit Invest AG u inaugurua objekti i blerë nga më se 20 aksionarë shqiptarë, që aktualisht në qarkullim kanë vënë rreth 3 milionë franga.

Teksti e fotot: Rexhep Rifati

Dje për herë të parë, në historinë e mërgatës shqiptare në Zvicër, u bë një hap praktik, që ka mungua deri më tash: në Krins të Kantonit të Lucernit u përurua objekti i parë i blerë nga 20 aksionarë shqiptarë të organizuar përmes Unionit Invest AG, themeluar gati një vit më parë. Për të ia arrit këtij qëllimi final, paraprakisht pronarët e firmave shqiptare të këtij regjioni në formë aksionare grumbulluan mjete të konsiderueshme për investime të përbashkëta.

Kështu ky union bëri edhe hapin e parë praktik, duke blerë me mjete të përbashkëta këtë objekt, që pos që do të shërbejë për selinë e këtij subjekti, pjesa tjetër e lokalit do të jepet me qira. Po në këtë objekt dje u tubuan më se 30 afaristë shqiptarë, kryesisht nga ky regjion por edhe mysafirë rasti nga kantonet tjera. Me këtë rast të pranishmëve me fjalë përshëndetëse iu drejtuan kryetari i degës Degës së Zvicrës Qendrore të Rrjetit të Bizneseve Shqiptare në Zvicër, Florim Useini, kryesuesi i Unionit Invest AG, Mehdi Avdijaj, kryetari i Rrjetit të Bizneseve Shqiptare në Zvicër, Qamil Isufi, pastaj Skenderbeg Klaiqi, kryetar dhe themelues i Lobit Shqiptar, që kishte ardh nga Gjermani për të marr pjesë në këtë tubim përurues, si dhe kryetari i Shoqatës “Bashkimi” në Uster të Cyrihut, Guximtar Alushi.

Tre folësit e parë: Florim Useini , Mehmdi Avdijaj dhe Qamil Isufi u përqendruan në aktivitetin e zhvilluar në kuadër të  Degës së Zvicrës Qendrore të Rrjetit të Bizneseve Shqiptare në Zvicër dhe të Unionit Invest AG, që rezultoi me aktivitete të ndryshme, veçmas në fushën biznesit të afaristëve të suksesshëm shqiptar, që rezultoi edhe me një bashkëpunim dhe besueshmëri të përbashkët të dhjetëra afaristëve shqiptarë, që me mjete të përbashkëta për aksioneve të përbashkëta duke i grumbullua më se 800 mijë franga blen objektin të cilin edhe e rinovuan kryesisht vet këto firma.

U tha se ky është vetëm hapi i parë, por shumë inkurajues, çka u pa edhe në vetë takimin e djeshëm solemn ku kishin ardhur edhe afaristë të tjerë që shprehën gatishmërisë që ti bashkohen unionit si me anëtarësi ashtu edhe pjesëmarrje në investime përmes formës aksionare, si përvojë e parë e treguar që në fillim si shumë e suksesshëm brenda këtij unioni.

Nikoqirët me këtë rast shtruan edhe një apero dhe përmes bashkëbisedimit të lirë folën edhe për punën e mëtejshme si të degës së rrjetit të bizneseve ashtu edhe të Unionit Invest AG, organizma këto që tubojnë shqiptarë nga gjitha trojet etnike, e që si pikësynim kanë që në të ardhme të gjejnë forma edhe për investime të përbashkëta në trojet etnike.

Ky organizim i 20 aksionarëve shqiptarë në Zvicër, ndonëse nuk ka më tepër se një vit nga themelimi, tash më në qarkullim ka rreth tre milionë franga, meqë rast shumica investuar në blerjen e objektit të parë me mjete të përbashkëta

Teksti e fotot: Rexhep Rifati

Për fat të mirë gradualisht po këndellen aktivitetet e disa organizimeve dhe subjekteve shqiptare në Zvicër. Kështu dje në qytetin e Lucernit u mbajt një takim i përbashkët i Kryesive të Unionit Invest AG dhe të Degës së Zvicrës Qendrore të Rrjetit të Bizneseve Shqiptare në Zvicër, ku u fole për punën e deritashme dhe aktivitetin e mëtejmë. Po ashtu u mbajt edhe një ligjëratë tematike nga doktori i shkencave Lumni Ademi, me theks të veçantë mbi suksesin në prodhimtari.

Takimit i parapriu mbledhja e kryesisë së Unionit Invest AG, që drejtohet nga Mehdi Avdijaj, union ky në të cilin 20 aksionarë, gjegjësisht pronarë të firmave shqiptare kanë grumbullua mjetet për investime të përbashkëta. Tashmë ky union ka bërë edhe hapin e parë praktik, duke blerë me mjete të përbashkëta një objekt, që pos që do të shërbejë për selinë e këtij subjekti, pjesa tjetër e lokalit do të jepet me qira. Aktualisht sipas presidentit Avdijaj, unioni tashmë ka në qarkullim rreth 3 milionë franga dhe po punon që ky kapital të rritet edhe më tej, krahas rritjes së numrit të aksionarëve. Ndërsa që edhe anëtari kryesisë së këtij unioni, Isa Zeqiraj potencoi se këto forma të bashkimit biznisor tashmë kanë filluar të japin rezultate, sa që mundësojnë që bashkërisht të mund të bëjmë shumëçka në të mirë të vetes e të komunitetit, jo vetëm në mërgatë.

Edhe kryetari i Rrjetit të Bizneseve Shqiptare në Zvicër, Qamil Isufi, përshëndeti punën e këtij unioni, që e sheh me interes si për forcimin e ashtu edhe bashkëpunimin e biznesmenëve shqiptar që përmes bashkimit të kapitalit të fuqizohet jo vetëm komuniteti ynë i madh në mërgatë, por që të shikohet edhe mundësia për të investuar në Kosovë dhe në trojet tona etnike.

Po në këtë takim u vendos që të bëhen edhe disa ndryshime në status, përmes të cilit edhe personat që nuk kanë firma, por që kanë kapital, mund ti bashkohen unionit me anëtarësi dhe investime. Avokati, Artan Sadiku, jurist pranë këtij asociacioni, që kujdeset për të gjitha normativat ligjore, në mënyrë që i tërë rrugëtimi të jetë në përputhshmëri me ligjet e vendit, i paraqiti materialet gjegjëse, të cilat edhe u miratuan me aklamacion.  Të pranishmit po ashtu unanimisht mbështetën kryesinë e Unionit Invest Ag, në përbërje Mehdi Avdijaj, president, Musa Berisha arkëtar, Artan Sadiku, jurist, Nusret Abdiu imobilie dhe Isa Zeqiraj mbi anëtarësim, për aktivitete të mëtejshme investive – biznisore.

Më pastaj doktori i shkencave, Lumi Ademi, mbajti një ligjëratë në temën: “Suksesi i juaj në prodhimtari”, me që rast foli për disa projekte zhvillimore që mund të realizojë Rrjeti i bizneseve shqiptare në Zvicër. Ai foli edhe për përvojën e themelimit të firmës së tij  mbi punën e firmës së tij, “FloMir Company GmbH”, me seli në Kantonin e Cyrihut të Zvicrës dhe me përfaqësuesitë e saj në Gjermani, Maqedonia e Veriut, Kosovë dhe Shqipëri, bazuar në eksperiencën e saj shkencore në Zvicër, si dhe në bashkëpunim me partnerët e saj nacional dhe internacional, që ofron projekte me “çelësa në dorë” (turn-key), në fushën e prodhimtarisë  ushqimore, kimike, farmaceutike, kozmetike dhe ndërtimore.

Ndër më të veçantat, që potencoi Lumniu, mbështet në dijen dhe përvojën e tij ishte motoja : Gjenero fitim këtu e prodho atje! Me një fjalë puno që të fitosh këtu në mërgatë e prodho në Kosovë apo Maqedoninë e Veriut apo trojet tjera shqiptare, pasi që atje fuqia punëtore është më e lirë dhe pastaj prodhimet e cilës do fushë sjellë këtu në Perëndim, në mënyrë që të kesh edhe ti si afarist fitim por edhe vend ytë i prejardhjes.

Kjo temë e Dr. Lumni Ademit, një personalitetit të shquar shkencor me prejardhje nga Tetova, i doktoruar në kimi në Universitetin e Bazelit, ngjalli interesim por edhe një bashkëbisedim të afërte e të frytshëm me të pranishmit.

Tubimi vazhdoi edhe me disa tema Degës së Zvicrës Qendrore të Rrjetit të Bizneseve Shqiptare në Zvicër, që në fakt paraqet degën më aktive e më të organizuar e që udhëhiqet nga Florim Useni. Do theksuar se ndonëse kjo është një degë e re është e para që në gjirin e saj ka arrit të themelojë edhe unionin e parë të aksionarëve shqiptarë, por edhe të merret me aktivitete të tjera ndër të cilat edhe organizimin e ligjëratave me ekspertë të shquar shqiptarë, në mënyrë që anëtarësia dhe afaristët shqiptarë të arrin një përgatitje sa më të mirë edhe në pikëpamje teorike.

Rrjetit të Bizneseve Shqiptare në Zvicër- dega e Zvicrën Qendrore, degë kjo që nga muaji në muaj po forcohet dhe po e zgjeron aktivitetin e saj si në shtimin e anëtarësisë, investimeve të përbashkëta dhe në mbajtjen e temave me interes të zhvillimit të biznesesve private të shqiptarëve në Zvicër.

Nga Rexhep Rifati

Madje, ky rrjet nuk është përqendrua vetëm në takime të zakonshme të kryesisë, por edhe në grumbullimin e mjeteve për investime të përbashkëta. Si rezultat i kësaj është në realizim e sipër edhe objekti i parë i këtij karakteri. Ndërkohë po mbahen edhe tema nga fushat e biznesit me ekspertë dhe drejtues firmash nga radhët e shqiptarëve.

Kështu në takimin e mbajtur me 5 shtator 2020, në  lokalin e Qendrës për Kulturë dhe Integrim, pati një ligjerat nga Visar Robelli nga firma Anrotec GmbH, i cili prezantoi temën rreth energjisë dhe subvencioneve që mund të përfiton privati dhe biznesi gjatë ndërtimit. Krejt ky aktivitet zhvillohet me qëllimin, siç na tha kryetari i kësaj dege të këtij rrjeti, Florim Useni, për ta sjell informacionin deri tek afaristët që të përfitojnë nga kjo lëmi. Pas prezantimit të temës anëtarët e këtij rrjeti kanë zhvilluar edhe një aktivitet sportiv në volejboll në Risch platz Ebikon.

Kjo degë ndër më aktivet dhe më të organizuarat në nivel të Rrjetit të Bizneseve Shqiptare në Zvicër, gjatë këtij muaji më 20 Shtator 2020 do të ketë edhe një temë me shumë interes jo vetëm për anëtarësinë e ngushtë por bizneset shqiptare në Zvicër e më gjer. Ligjërues do të jetë doktori i shkencave, Dr. Lumni Ademi, i cili, më konkretisht do të flet mbi temën: ,, Suksesi juaj në prodhimtari”. Por që takimi është vetëm për afaristët që janë anëtarë në rrjet, pasi që qëllimi është që anëtarët e rrjetit të përfitojnë njohuri sa më gjera jo vetëm praktike por edhe teorike nga ekspertë të shquar shqiptarë të shkolluar e diplomuar këtu në Zvicër.

Me sa mësuam, DR. Lumni Ademi, njihet në Zvicër, jo vetëm për mbrojtje e doktoratës në Zvicër, por edhe me përvojën e tij profesionale shkencore ne Institute kimike dhe kompani zvicerane, si dhe publikimeve shkencore. Ai ka hapur edhe firmën e vet private në Cyrih, me emërtimin: “FloMir Company GmbH” (www.flomir.com), që orientim kryesor ka, pos tjerash edhe zhvillimin  ekonomik në trevave shqiptare. Kompania e tij ofron projekte konkrete mërgimtarëve shqiptarë që janë të interesuar për investim në vendlindjet e tyre.

Edhe kësaj radhe Lumniu me anëtarët e këtij rrjeti të bizneseve do të flas, mbi punën e firmës së tij,  “FloMir Company GmbH”, me selinë kryesore në Kantonin e Cyrihut të Zvicrës dhe përfaqësuesit e saj në Gjermani, Maqedonia e Veriut, Kosovë dhe Shqipëri, bazuar në eksperiencën e saj shkencore në Zvicër, si dhe në bashkëpunim me partnerët e saj nacional dhe internacional, që ofron projekte me “çelësa në dorë” (turn-key), në fushën e prodhimtarisë  ushqimore, kimike, farmaceutike, kozmetike dhe ndërtimore.

Të Hënën më 13 Prill kryetari i ri Florim Useini me dy përfaqësueseit e kryesis nënkryetarin Nusret Abdiu dhe nënkryetarin njëkohësisht Kryetar i Union Invest AG nën ombrellën e rrjetit Mehdi Avdijaj takuan kryetarin e rrjetit për Zvicër Qamil Isufin.

Kryetari Florim Useini pas takimit të parë me Kryetarin e Nderit, si takim të dytë takonë Kryetarin e rrjetit për Zvicër Qamil Isufin, për ta njoftuar nga afër për formimin apo plotësimin e grupit punues apo kryesis, aktivitetin e tyre , aktivitetet e parapara për vitin që kemi dhe pika të ndryshme rrethë hecuris së degës për Zvicrën Qëndrore.

Njëkohësisht edhe kryetari i Union Invest AG e informoi Kryetarin Qamil Isufin rrethë Unionit, hecuris së sajë dhe deri tek hapja e aksioneve B për tu bashkangjitur aksionar të ri.

Kryetari Qamil Isufi pas përshëndetjeve dhe përgëzimeve të hecuris së punës vullnetare të sukseshme, që ishte një kënaqësi për të, e në veçanti duke shikuar afaristë që bashkëpunoinë në mes veti dhe me shpresën të zgjeroim përkrahjen edhe nga shumë afaristëve të tjerë që jetojnë dhe veproin në Zvicër.

Kryetari Qamil Isufi njëkohësisht e informoi kryetarin e ri Florim Useini rrethë aktivitetit të kryesis për Zvicër , anagzhimin në formimin e degëve në Kantone të tjera të Zvicrës dhe njëkohësisht edhe për Kuvendin e paraparë që do të mbahet në Shtator .

Ky takimi ishte me shumë informacione nga të dy anët, ku njëkohësisht kryetari Qamil Isufi i uroi kryesis së re shumë vullnet , gjithë antarve të degës shumë suksese, që të jenë shembull për bashkim për të gjithë, dhe kurrë në asnjë kohë nuk do të mungojë përkrahja e kryesis, degëve tjera në themelim e në veçanti përkrahja e vetë Qamil Isufit.

Të shtunën, më 29 shkurt 2020, në Luzern u mbajt Kuvendi zgjedhor i Rrjetit të Bizneseve Shqiptare në Zvicër- dega për Zvicrën Qëndrore.

Kuvendin e hapi kryetari Mehdi Avdijaj, me një rend dite nga pesë pika si prezantimi i antarëve të ri, Antarsimi dhe financat nga Artan Ibrahimi, aktiviteti i deritanishëm nga Isa Zeqiraj , Zgjedhja e Kryetarit të ri, dhe Union Invest AG.

Pas prezantimit dhe njoftimit me antarët e rinjë , u bisedua edhe bashkëpunimi i afaristëve në mes vete duke shkëmbyer punët në mes veti, gjë që është mjaftë produktive dhe e sukseshme deri më tani.

Pika dy u bë një njoftim nga Artan Ibrahimi rrethë financave, pagesa e antarsis, antarsimet e reja etj.

Isa Zeqiraj vazhdoi me pikën tre rrethë aktivitetit të rrjetit deri tani, që potencoi kohën dhe kontributin e afaristve që kanë dhënë deri më tani, themelimin e Invest Unionit AG, takimet me afaristët , e deri tek pregaditjet për Kuvendin Zgjedhor sot.

Kryetari Mehdi Avdijaj shpjegoi formën dhe procesin e zgjedhjes, ku nga Kuvendi propozohen afaristë vetëm për kryetar , votohet me vota të fshehta dhe pas kryetari i zgjedhur mbrenda 10 ditve të punës duhet të formoi grupin punues. Poashtu duhet potencuar meqenëse Shoqëria aksionare Union Invest AG është themeluar nën ombrellën e degës së rrjetit për Zvicrën Qëndrore atëher Kryetari i sajë është njëkohësisht edhe nënkryetar i rrjetit të bisnesit.

Pas propozimeve të tre kandidatëve u bë edhe një prezantim nga kandidatët dhe një prezantim të qëllimit dhe projektve të tijë si synim.

Kuvendi me votim të fshehtë zgjodhi për Kryetar Florim Useini, që prezantojë synimin e tijë me një varg aktiviteti nga 14 pika, që posedon një përvojë apo bagazh të mjaftueshme në aktivitetin e tijë si aktivist i shumë projekteve , përfaqësues në shumë shoqata një ndër ato edhe i zgjedhur në fillim të shkurtit edhe si sekretar i shoqatës së krijuesve shqiptar në Zvicër, Florim Useini merret njëkohësisht edhe me art dhe me shkrim.

Pas Kuvendit zgjedhor u vazhdua pika e pestë e rendit të ditës rrethë shoqëris aksionare Union Invest AG, ku u diskutua puna e deritanishme dhe Präsidenti i saj Mehdi Avdijaj potencoi rëndësin e ngritjes së buzhetit, dhe hapjen e aksioneve B për invesitm dhe mundësi e hapur për kyçjen e afaristëve të ri, që do të jetë e hapur për 90 ditët në vijim, deri më 29 Mai 2020 . Ndërsa për formën e detajuar dhe procesin e saj e sqaroi qartë avokati Artan Sadiku.

Takimi u mbyll me një apero dhe bisedë e lirë në mes veti.

Më 21 Shtator 2019 në Emmenbrücke të Luzernit u bë një lëvizje, dhe kështu aktiviteti shqiptar lëvizi një hapë përpara falë aktivistëve dhe njëkohësisht afaristëve shqiptar që jetojnë dhe veprojnë në Luzern dhe me vullnetin dhe shpresën për të bërë diçka për Kombin e tyre dhe për të hecur përpara që të arrimë kohën e duhur.

Jo vetëm fjalë, e as jo vetëm një ide, por një ide që me mund e sakrific u realizua prandaj zgjodhëm 21 Shtatorin që të festojmë hapin e parë, të festojmë që arritëm të ulemi e të njihemi si shqiptar në mes vete, të njihemi si afarist e të bashkojm mendimet, të bashkëpunojm si afarist dhe në fund të shpalosim qëllimet tona ti bashkojm dhe sëbashku secili me profesionalizmin e tij të realizojmë qëllimet e përbashkëta.

Pasi u njohëm si afarist dhe arritëm të formojmë njê degë të rrjetit shqiptar në Zvicrën Qëndrore nën ombrellën e Rrjetit Shqiptar në Zvicër, pas bashkuam qëllimet tona dhe formuam Shoqërin Aksionare që e emëruam Union Invest AG.

Dega ka një përkrahje dhe një antarsim të mirë, dhe njëkohësisht afaristët në mes vete kan një bashkëpunim të mirë duke këmbyer përvojat dhe punët nëmes vete. Ndërsa Union Invest AG e formuar nga një grupë aksionerësh që patën dëshirën dhe mundësin e investimit, ku ne ndihemi krenar që e vlersojmë me sukses që si fillim arritëm ta formojmë me një shumë nga 800 miijë Franga.

Nuk është fitimpruarse shuma totale e investimit se sa ajo që ndajnê punët në mes vete sepse shiptarëve gjithmon ju ka munguar bashkëpunimi në mes vete se sa me të tjerët, ka munguar vlersimi dhe respekti në mes vete dhe për atë qëllimet tona do të vazhdojn sepse kemi edhe shumë për të bërë, kemi nevojë edhe për ju edhe për shumë të tjerë se mundemi mëtepër tê bëjmë dhe të jemi më të fortë.

Mbrëmja e të shtunës ishte e jashtë zakonshme sepse njohëm shumë afarist të ri që u bënë pjesë e ides së përbashkët, njohëm shumë shoqata që do të jemi në bashkëpunim dhe përkrahje në traditën dhe kulturën tonë. Në mbrëmje patëm nderin që morrën pjesë edhe musafirë që janë pjesë e jona si Ambasada e Kosovës znj.Nazane Breca, nënkryetarja e parlamentit të Luzernit znj.Ylfete Fanaj, antarë të kryesis së rrjetit qendrore për Zvicër me kryetar Qamil Isufi edhe shumë shoqata dhe afaristë të tjerë.

Kryesia e degës për Zvicrën Qëndrore me Kryetar Mehdi Avdijaj i faleminderoin të gjitha pjesmarrsit, të gjithë përkrahsit njekohësisht edhe ato që dëshiruan por nuk patën mundësi të jenë në mesin tonë, poashtu ftojmë të gjithë afaristët të na bashkangjiten dhe të na përkrahin sepse projektet tona kanë nevojë për çdo përkrahje.

Union Invest AG do të vazhdon aktivitetin e sajë në investimin e patundshmëris në Zvicër dhe së shpejti duke shikuar nevojën apo interesin e afaristëve do të formojmë edhe akcionet B.

Nga një grupë afaristësh disa duhej të merrnin barrën e përgjegjësis dhe me nder besimi ju dha:

Kryetarit Mehdi Avdijaj

Nënkryetar Florim Useini

Nënkryetar Mehmet Ajeti

Sekretar Isa Zeqiraj

Arkatar Musa Berisha

Nusret Abdiu

Artan Ibrahimi

Me respekt nga afaristët shqiptarët për të gjithë shqiptarët.